काठमाडौं, कात्तिक २८, २०८२ (नोभेम्बर १४, २०२५) — नेपालमा मध्यम क्षमताका मोटरसाइकलहरूको बजार वर्षैभरि निकै प्रतिस्पर्धात्मक बनेको छ। यस्ता मध्ये क्रूजर सेग्मेन्ट सधैं नयाँ–पुराना दुवै पुस्ताका राइडरका लागि केन्द्र आकर्षणको रूपमा रहँदै आएको छ।

यिनै उत्साही राइडरहरूको चाहनालाई ध्यानमा राख्दै विश्वप्रसिद्ध मोटरसाइकल निर्माता रॉयल एनफिल्डले आज नेपालमा नयाँ रूप, नयाँ रङ र नयाँ सुविधासहितको २०२५ मेटिओर ३५० लाइनअप सार्वजनिक गरेको घोषणा गरेको छ।
नयाँ संस्करणमा यो मोटरसाइकलले स्टाइल, आराम, प्रिमियम क्रूजिङ अनुभव र निरन्तर सुधारिएको डिजाइन दर्शन समेट्दै नेपाली बजारमा पुनः आफ्नो प्रभुत्व स्थापित गर्न खोजेको छ।

सन् २०२० मा पहिलो पटक सार्वजनिक भएको मेटिओर ३५० अहिले पनि नेपाली बजारमा सबैभन्दा लोकप्रिय र विश्वासिलो क्रूजर बाइकमध्ये एक मानिन्छ। यसपालिको अपग्रेडमा कम्पनीले राइडरहरूका सुझाव, नयाँ प्रविधि, बजार प्रवृत्ति र ब्रान्डको ‘‘प्योर मोटरसाइकलिङ’’ दर्शनलाई एउटै ढाँचामा जोड़ेर यसलाई अझ आकर्षक बनाएको छ।

यी सबै भेरियन्टमा कम्पनीले सातवटा नयाँ र आकर्षक रङहरू प्रस्तुत गरेको छ। फायरबलमा चम्किला र युवा पुस्तालाई लक्षित रङ, स्टेलरमा संयमित तर बोल्ड टोन, अरोरामा क्लासिक–रेट्रो लुक, र सुपरनोभामा आधुनिक र प्रिमियम फिनिश दिइएको छ।

एलईडी हेडलाम्प अब सबै मोडेलमा मानक सुविधा बनेको छ। यो अपग्रेड नेपाली बजारमा अत्यन्त महत्वपूर्ण मानिन्छ, किनकि ग्रामीण र पहाडी क्षेत्रमा लामो रात्री यात्रा गर्ने राइडरहरूलाई यसले थप सुरक्षाको अनुभूति दिन्छ।