Monday 30 January 2023 / सोमबार, १६ माघ २०७९

१७ पुस काठमाडौं । नेपाली राष्ट्रिय क्रिकेट टिमका सदस्य सन्दीप लामिछाने अष्ट्रेलियामाको ब्यास लिग २०२०र२१ मा होबार्ट हुरिकेन्सको लागि खेल्ने भएका छन् ।

यसअघिका दुई सिजन मेलवर्न स्टार्सबाट खेलेका सन्दीपले यो सिजन नयाँ टिम होबार्ट हुरिकेन्सबाट खेल्ने लागेका हुन् । कोभिडको कारणले त्यहाँको सरकारी नियमअनुसार १४ दिनको अनिवार्य क्वारेन्टिन बस्नुपर्ने भएकोले सन्दीपले होबार्टको सुरुवाती ६ खेल गुमाएका थिए ।

अङ्ग्रेजी नयाँ वर्ष २०२१ को आगमनसंगै सन्दीपले अब होबार्टका लागि खेल्ने लगभग पक्का छ । डिसेम्बर १६ मा अष्ट्रेलिया पुगेका सन्दीप १४ दिनको क्वारेन्टिन सकाइसकेका छन् ।

संयोगवस सन्दीपले आफ्नै पूर्व टिम मेलवर्न स्टार्स विरुद्ध
जनवरीमा २ मा आफ्नो पहिलो खेल खेल्ने सम्भावना रहोको छ । गत सिजन सन्दीपसँगै मेलवर्न स्टार्मा खेलेका पिटरह्याण्ड्सकम्ब अहिले होबार्टको कप्ताद्दी गरिरहेका छन् ।

होबार्टले स्टार्सविरुद्ध खेल्नका लागि घोषणा गरेको १७ सदस्यीय टोलीमा सन्दीप लामिछाने समावेश छन् । वेष्टइन्डिजका किमो पउलको स्थानमा सन्दीपलाई राखिएको होबार्टले जनाएको छ ।

होबार्टले स्टार्स विरुद्ध खेल्ने टिमको लिस्ट सामाजिक सञ्जालमा राख्दै टिममा एक जना नयाँ नाम आएको जनाएको छ । त्यो नाम अरु कोही नभएर सन्दीप नै भएको प्रष्ट बुझ्न सकिन्छ ।

सन्दीपले पनि क्वारेन्टिन समय सकाएपछि बिहीबार ट्वीट गर्दै होबार्टको लागि पहिलो खेल खेल्न आफू तयार भएको जनाएका छन् ।

यस सिजन ६ खेल खेलिसकेको होबार्टले ४ जित र २ हारपछि १५ अंक जोडेको छ । दोस्रो स्थानको सिड्नी थण्डर समान १५ अंक भएपनि होबार्ट रनरेटमा पछि पर्दै तेस्रो स्थानमा छ ।

प्रतिक्रिया

सम्बन्धित खवर

ताजा समाचार

लोकप्रिय