ब्युटिसियनहरुको राष्ट्रियस्तरको सौन्दर्य प्रतियोगिता ‘ब्ल्याक डाइमण्ड ब्युटिसियन नेपाल-२०२५’ ताज काठमाडौं सुकेधाराकी सुष्मा दाहालले जित्न सफल भएकी छन्। ताजसँगै उनले एन.एफ.इ.ए अवार्ड २०२५ मा सहभागी हुन जापान जाने अवसरसमेत प्राप्त गरेकी छन्।
उनले टाइटल स्पोन्सर ‘ब्ल्याक डाइमण्ड’का तर्फबाट एक लाखको छात्रवृत्ति प्याकेजसमेत प्राप्त गरिन्। ललितपुरस्थित ज्यापु प्रज्ञा एकेडेमीमा सम्पन्न कार्यक्रमकी फस्र्ट रनरअप सुशीला राई बनिन् भने प्रीति खड्का सेकेण्ड रनरअप बन्न सफल भइन्। उनीहरुले क्रमशः पचार हजार र पच्चिस हजारको छात्रवृत्ति प्याकेज प्राप्त गरे।

हिमालयन मुभिज् प्रोडक्सन हाउसको ब्यानरमा ११औं संस्करणका रुपमा आयोजना भएको यो कार्यक्रम ब्राइडल तथा परिचयात्मक चरण, फेसन सो तथा पोशाक प्रदर्शनी, प्रश्नोत्तर र लिखित गरी विविध चरणमा सम्पन्न भएको थियो । चर्चित फेसन कोरियोग्राफर हिमानी सुब्बाको कोरियोग्राफीमा सम्पन्न कार्यक्रममा विविध पेशागत प्रतियोगिताहरु समेत गराइएको थियो। जसमा वेस्ट ब्राइडल सन्जु फागो, वेस्ट मेकअप कल्पना विक, वेस्ट नेलआर्ट सुशीला राई र वेस्ट जुरो गंगा श्रेष्ठले जित्न सफल भए।

कार्यक्रममा मोस्ट इन्टिलिजेन्ट सुष्मा दाहाल, वेस्ट फोटोजेनिक सन्जु फागो, मोस्ट कन्फिडेन्ट प्रीति खड्का, मोस्ट याक्टिभ पवित्रा न्यौपाने, मोस्ट डेलिकेट कोपिला राई, मोस्ट चार्मिङ बबिता राई, मोस्ट डिलिजेन्ट अनिता राई, वेस्ट पर्सनालिटी रमिला कुस्वार, मोस्ट स्मार्ट कला राई, मोस्ट प्यासेनेट सन्ध्या श्रेष्ठ, अट्र्याक्टिभ सुप्रिया सुवेदी, पब्लिक च्वाइस भिडियो प्रीति खड्का, मोस्ट पपुलर रमिला कुस्वार र पपुलर च्वाइस कोपिला राईले जित्न सफल भए।

कार्यक्रमको निर्णायक मण्डलमा नायक एसराज गराज, कस्मेटोलोजिस्ट डा. रेखा थापा, मिसेस नोवेल नेपाल २०२४ सन्ध्या लामिछाने,एस्थेटिसियन डा. युनिसा शाही तथा तथा सौन्दर्यकर्मी अप्सरा न्यौपाने रहेका थिए।

सव्द तस्वीर : प्रदीपराज वन्त/ प्रशिक्षार्थी