सिल्भर स्टार इन्टरटेन्मेन्टको आयोजनामा टिन सुन्दरीहरुमा लक्षित फेश अफ टिन २०२५ तथा मोडलिङ क्षेत्रमा आफूलाई अगाडि लैजान इच्छुक युवा युवतीहरुमा लक्षित नेपाल्स सुपर मोडल २०२५ को फाइनल प्रतिस्र्धा सम्पन्न भएको छ । दुवै विधाको प्रतियोगितालाई एक साथ जमल स्थित राष्ट्रिय नाचघरको डबलीमा प्रस्तुत गरिएको थियो ।
फेश अफ टीन २०२५ मा खुशी कटवालले शीर्ष उपाधिको ताज पहिरिन सफल भइन् भने जान्वी भण्डारीले फस्ट रनर अप तथा प्रवृति सुब्बाले सेकेन्ड रनर अप र रोहिना महर्जनले थर्ड रनर अपको उपाधि जित्न सफल भए । फेश अफ टीन अन्तर्गत ओबियल राणा पपुलर, उदेश्ना दाहाल पब्लिक च्वाइस तथा सरहाना खत्री अर्गनाइजर च्वाइस विधामा विजेता चयन भएका थिए ।
नेपाल्स सुपर मोडल २०२५ अन्तर्गत भने निदान शाक्य र प्रिया चन्दले विजेताको ट्रफी उचाल्न सफल भएका थिए । यसैगरी तिलक खत्री र ज्यास्मिन पौडल फस्ट रनर अप विजेता चयन भएका थिए । प्रतियोगितामा पाल्साङ लामा र सान्वी बलामीले मोस्ट पपुलर, श्रवण महरा र सान्वी बलामीले अर्गनाइजर च्वाइस तथा स्यारोन कटवालले पब्लिक च्वाइस विधाको अवार्ड प्राप्त गरेका थिए ।
सिल्भर स्टार इन्टरमेन्टका लागि सनिश शाक्य आयोजक तथा कोरियोग्राफरको भूमिका रहेको सो कार्यक्रमको संचालन भने फेसन कोरियोग्राफर एवं संचारकर्मी रोजिन शाक्यले गरेका हुन् ।
