Friday 29 March 2024 / शुक्रबार, १६ चैत्र २०८०

काठमाडौं, अन्तर्राष्ट्रिय फ्रान्चाइजको गायन विधामा आधारित रियालिटी शो ‘द भ्वाइस अफ नेपाल’ सीजन थ्रीको नयाँ कोचका रुपमा गायिका तृष्णा गुरुङ अनुबन्धीत भएका छन् । हाल यो कार्यक्रमको डिजिटल अडिसन संचालन भइरहेको छ भने कार्यक्रमको प्रशारण एक महिनापछि हिमालय टेलिभिजन एचडी मार्फत् हुनेछ । कार्यक्रमको निर्देशन लक्ष्मण पौडेलले गर्नेछन् भने संचालनको जिम्मेवारी सुशील नेपालले सम्हालेन्छन् । शोको चार जना कोच मध्ये गायकत्रय दिप श्रेष्ठ, प्रमोद खरेल तथा राजु लामा यथावत रहने भएका छन् । यस अघि द भ्वाइस अफ नेपाल सीजन टूमा महिला कोचका रुपमा गायिका आस्था राउत र त्यो भन्दा अगाडि सीजन वन्मा अभया सुब्बा महिला कोचका रुपमा रहेकी थिइन् । द भ्वाइस अफ नेपाल सीजन वन्का विजेता सिडी विजय अधिकारी भएका थिए भन् राम लिम्बु सीजन टू विजेता हुन् ।

Share This Post

प्रतिक्रिया

सम्बन्धित खवर

ताजा समाचार

लोकप्रिय