काठमाडौँ ८ असोज,
संक्रमण बढ्दो क्रममा रहेको भन्दै विज्ञहरुले चिन्ता व्यक्त गरेका छन् । उनीहरुले रोक्न ढिलाइभएको समेत बताएका छन् ।
प्राप्त विवरणमा अहिलेसम्म २२ हजार बढीलाई डेंगु लागिसकेको छ। आजसम्म २९ जनाको मृत्यु भएको छ ।
नेपालमा २,३ वर्षको अन्तरालमा डेंगीले प्रकोपको रुप लिने गरेको छ । सन् २०१९ मा १७ हजार ९ सय ९२ जना संक्रमित भएका थिए भने ६८ जिल्लामा फैलिएको डेंगीबाट ६ जनाको मृत्यु भएको थियो ।
यस वर्ष डेंगी संक्रिमतको केसले ३ वर्षअघिको रेकर्ड तोडिसकेको छ । हालसम्म संक्रमितको संख्या २२ हजार नाघिसकेको छ ।
इपिडिमियोलोजी तथा रोग नियन्त्रण महाशाखा (ईडीसीडी) को पछिल्लो तथ्यांक अनुसार साउनयता २२ हजार ९८८ जनामा डेंगी संक्रमण पुष्टि भएको छ ।
राजधानी काठमाडौंमा ७ हजार ३८०, ललितपुरमा ५ हजार ५८५, मकवानपुरमा २ हजार १३५, दाङमा २ हजार २७८ र भक्तपुरमा १ हजार ५० केसहरू पुष्टि भएका हुन् ।