सुनसरी, लामखुट्टेको टोकाइबाट लाग्ने डेङ्गी रोग देशभर प्रकोपका रूपमा फैलन थालेसँगै सुनसरीका पत्रकारहरू यसबाट प्रभावित भएका छन् ।
सुनसरीको धरान उपमहानगरपालिकामा सङ्क्रमणको दर बढी भएकाले सोही क्षेत्रका पत्रकारहरू यसको चपेटामा परेका हुन् ।
हालसम्म नेपाल पत्रकार महासङ्घ सुनसरीका अध्यक्ष जनकऋषि राईका साथै अन्य पत्रकारहरू गिरिराज आचार्य, देवेन्द्र कार्की, रणध्वज लोहार, दामोदर गुरागाईँ, दीपक लिम्बू र रश्मि प्रधानलाई डेङ्गीको सङ्क्रमण भएको पुष्टि भएको छ ।
यसका साथै प्रेस सेन्टरका अध्यक्ष तीर्थ कार्की र पत्रकार उपेन्द्र चाम्लिङ पनि सङ्क्रमित भएको पुष्टि भएको छ ।
पत्रकार सन्तोष काफ्लेका अनुसार यकिन तथ्याङ्क नभए पनि हालसम्म डेङ्गीबाट सङ्क्रमित पत्रकारको सङ्ख्या सुनसरी जिल्लाभर एक दर्जनको हाराहारी पुगेको छ ।
सङ्क्रमितमध्ये गिरिराज आचार्यको अवस्था गम्भीर रहेको छ भने अन्य पत्रकारहरू सामान्य अवस्थामा उपचाररत रहेका छन् ।
केही पत्रकारहरू भने स्वास्थ्यलाभ गरी काममा फर्किएको र केहीले सङ्क्रमित अवस्थाका बीच घरबाटै काम गरिरहेको काफ्लेले बताए ।
हालसम्म डेङ्गीको सङ्क्रमणका कारण सुनसरीको धरानका चार जनाले ज्यान गुमाएका छन् ।
हाल सबैभन्दा बढी सुनसरीमा दुई हजार पाँच सय ४२ जना डेङ्गी सङ्क्रमित रहेका छन् ।
त्यस्तै, धादिङमा चार सय एक, कास्कीमा दुई सय पाँच, दार्चुलामा एक सय ९०, काठमाडौँमा ८०, सङ्खुवासभामा ६४, म्याग्दीमा ५४, कञ्चनपुरमा ५२, रुपन्देहीमा ४५ र मोरङमा ३ जनामा डेङ्गीको संक्रमण रहेको पाइएको छ ।
यो खबर पढेर तपाईलाई कस्तो महसुस भयो ?
[WPAC_LIKE_SYSTEM]प्रतिक्रिया
सम्बन्धित खवर
