काठमाडौँ, कानुनमन्त्री सोविता गौतमले आफ्नो सम्पत्ति विवरण सार्वजनिक गर्नुभएको छ। सार्वजनिक विवरणअनुसार उहाँको बैंक खातामा १० लाख ५० हजार ३३५ रुपैयाँ रहेको छ। साथै १५ तोला सुन, १० तोला चाँदी र एक सेट हिरा (पैतृक तथा विवाहमा प्राप्त) रहेको उल्लेख गरिएको छ। काठमाडौँ र भरतपुरमा घर रहेको छ भने ती घर श्रीमान् र सासुको नाममा रहेको जनाइएको छ।
त्यस्तै, ग्लोब ट्रट हिमालय टुर्स एन्ड ट्रेक्समा उहाँको ५० प्रतिशत शेयर रहेको छ भने सोपान मल्टिपल कम्पनीमा ६ हजार ५०० कित्ता शेयर रहेको छ। मन्त्री गौतमका श्रीमान्को नाममा ९५ लाख रुपैयाँमा खरिद गरिएको एक गाडी रहेको छ भने मन्त्री गौतमकै नाममा २ लाख ७५ हजार रुपैयाँ मूल्यको स्कुटर रहेको विवरणमा उल्लेख गरिएको छ।
