एजेन्सी – ब्रेन्टफोर्डमाथि सहज जित निकाल्दै टोटेनहम हस्टपर इंग्लिस फुटबल लिग ९इएफएल० कपको फाइनलमा प्रवेश गरेको छ ।
घरेलु मैदानमा मंगलबार राति भएको खेलमा टोटेनहमले ब्रेन्टफोर्डमाथि २–० को सहज जित हात पारेको हो । टोटेनहमको जितमा मोउसा सिस्सोको र ह्युङ मिन सनले गोल गरे ।
खेलको १२औं मिनेटमा नै सिस्सोकोको गोलबाट टोटेनहमले खेलमा अग्रता लिएको थियो । खेलको दोस्रो हाफको ७०औं मिनेटमा ह्युङ मिन सनले गोल गर्दै टोटेनहमलाई २–० को सहज जित दिलाए ।
८४औं मिनेटमा ब्रेन्टफोर्ड १० खेलाडीमा समेटिएको थियो । खेलमा ब्रेन्टफोर्डले केही सुवर्ण अवसर सिर्जना गरेपनि सदुपयोग गर्न नसक्दा फाइनल पुग्नबाट वञ्चिन हुन पुग्यो ।
अब टोटेनहमले उपाधिका लागि म्यानचेस्टर ‘डर्वी’ अर्थात म्यानचेस्टर युनाइटेड र म्यानचेस्टर सिटीबीचको विजेतासँग खेल्नेछ ।
टोटेनहम १३ वर्षयता उपाधि विहीन छ । २००८ मा लिग कप जितेयता टोटेनहमले त्यसपछि चारपटक फाइनलमा पुगेपनि उपाधि जित्न सकेको छैन । टोटेनहम लिग कप र च्याम्पियन्स लिगको फाइनलमा पुगेपनि उपाधि जित्न सकेन ।
प्रतिक्रिया
सम्बन्धित खवर
