८ साउन ।
सञ्चार तथा सूचना प्रविधिमन्त्री ज्ञानेन्द्रबहादुर कार्कीले मर्यादित, निष्पक्ष, स्वतन्त्र र व्यावसायिक पत्रकारिता आजको आवश्यकता भएको बताउनुभएको छ ।
सञ्चार मन्त्रालयमा आज आयोजित ‘ज्येष्ठ पत्रकार वृत्ति वितरण तथा पुस्तक विमोचन’ कार्यक्रममा उहाँले पत्रकारिता आवाजविहीनहरुको आवाज बन्न सक्नुपर्ने धारणा राख्नुभयो ।
“सबैभन्दा ठूलो कुरो विश्वास आर्जित गर्ने पत्रकारको अहिले आवश्यक छ । हिजोका दिनमा एक किसिमको भूमिका नेपाली पत्रकारहरुको थियो ।
लोकतन्त्रको स्थापना भइसकेपछि अब हामीलाई मर्यादित, निष्पक्ष, स्वतन्त्र र व्यावसायिक पत्रकारिताको आवश्यकता छ, त्यतातर्फ आजको दिनले हामी सबैलाई अग्रसर हुन प्रेरित गर्नेछ भन्ने विश्वास लिएको छु ।”
