काठमाडौँ २ फागुन । स्वास्थ्यमा सुधार आएपछि संस्कृतिविद् एवं शताब्दी पुरुष सत्यमोहन जोशी उपचार गरी अस्पतालबाट घर फर्कनुभएको छ ।
ललितपुरको ग्वार्कोस्थित किष्ट अस्पतालमा गत साता भर्ना हुनुभएका जोशी सोमबार पाटनस्थित निवासमा फर्कनुभएको उहाँका भतिज अजर जोशीले जानकारी दिनुभयो ।
राष्ट्रपति विद्यादेवी भण्डारीसहित विशिष्ट व्यक्तिले संस्कृतिविद् जोशीको स्वास्थ्यलाभको कामना गर्नुभएको थियो ।
