Saturday 13 April 2024 / आईतवार, २ बैशाख २०८१

एजेन्सी । विमान उत्पादक दुई ठूला कम्पनीबीचको विवाद क्रमशः बढ्दै गएको छ । सो विवाद बढ्दै जाँदा त्यसले संसारभर नै प्रभाव पार्ने देखिएको छ । युरोपेली संघले विमान निर्माता कम्पनीहरु एयरबस र बोइङ्गको विवादबीच फ्रान्सेली र जर्मन उत्पादनहरुमा बढी शुल्क लगाउने संयुक्त राज्य अमेरिकाको निर्णयप्रति दुःख व्यक्त गरेको छ ।

पछिल्ला दिनमा अमेरिकन जहाज निर्माता कम्पनी बोइङको व्यापार क्रमशः ओरालो लागेको छ । संसारका अधिकाशं देशले जर्मनी र फ्रान्सले संयुत्तः रुपमा निर्माण गर्ने एयरबसतर्फ आर्कषित भएका छन् ।

विश्वका दुई ठूला विमान कम्पनीबीच विवाद समाधानका लागि छलफल भइरहेका समय वासिङ्टनले यूरोपेली उत्पादनमा कर वृद्धि गर्ने निर्णय गरेको जसका कारण चलिरहेको वार्तामा बाधा पुगेकोे ईयूको प्रशासनिक केन्द्र ब्रसेल्सले जनाएको छ । यो वर्ष विश्व व्यापार संगठन (डब्लुटीओ( ले केही अमेरिकी उत्पादनमाथि थप कर लगाउन ईयूलाई स्वीकृति दिएको थियो । तर बदलामा अमेरिकाले ईयूका उत्पादनमाथि कर वृद्धिको घोषणा गरेको हो ।

यद्यपि ब्रसेल्सले समस्याको समाधानका लागि अमेरिकी नयाँ नेतृत्वले पहल लिनेमा विश्वास व्यक्त गरेको छ । अमेरिकी राष्ट्रपतिमा निर्वाचित डेमोक्रेटिक नेता जो बायडेनले सन् २०२१ को जनवरी २० मा पदभार सम्हाल्नेछन् ।

युरोपेली आयोगले भनेको छ, ‘ अफसोस छ कि संयुक्त राज्य अमेरिकाले डब्ल्यूटीओ र एयरबसको विमानमा राहतको मुद्दामा छलफल चलिरहेका समय थप ईयु उत्पादनहरूमा करवृद्धि गर्ने निर्णयप्रति आयोग दुःख व्यक्त गर्दछ ।’

‘ईयुले यी वार्तालाई जारी राख्न र विवादको स्थायी समाधान खोज्नको लागि छिट्टै नै नयाँ अमेरिकी प्रशासनसँग जोडिनेछ ।” अमेरिकी राष्ट्रपति डोनाल्ड ट्रम्पको संरक्षणवादी प्रवृत्ति अन्तर्गत अमेरिकी पछिल्लो निर्णय आएको ठहर गर्दै आयोगले नयाँ नेतृत्वसँग जोडिने जनाएको हो ।

उड्डयन कम्पनीसँग गाँसिएको झगडा ट्रम्पको अगाडि छ, तर वाशिंगटनले ७ अर्ब ५० करोड अमेरिकी डलर बराबरको युरोपेली समानमा करवृद्धिको घोषणा गरिसकेको छ ।

वाशिङ्टनले मदिरा चीज र जैतुन तेल जस्ता ईयूका विशेष उत्पादनहरूमा २२५ प्रतिशत थप शुल्क लगाएको छ । ईयूले डब्लुटीओको अनुमतिमा मार्चमा एयरबस विमानहरूमा १५ प्रतिशत कर वृद्धि गरेको थियो ।

Share This Post

प्रतिक्रिया

सम्बन्धित खवर

ताजा समाचार

लोकप्रिय